საერთაშორისო გადახდები: გაუზიარე და გაიზიარე ცოდნა

პროფესიული ზრდა ჩვენი ყოველდღიურობის ნაწილია. გვჯერა, რომ ყველაზე ღირებული ცოდნა სწორედ გუნდის შიგნით არსებობს, ამიტომ აპგეიმინგის პროფესიული განვითარების პროგრამის ფარგლებში ვატარებთ შეხვედრების სერიას: „გაუზიარე და გაიზიარე ცოდნა“.

ჩვენი მორიგი ტრენინგი საერთაშორისო გადახდის მეთოდებს დაეთმო. რადგან ტექნოლოგიურ სამყაროში ყველაფერი სწრაფად იცვლება, გადავწყვიტეთ, დეტალურად გაგვერჩია, როგორ მუშაობს ფინტეკ ინდუსტრია დღეს.

რა იყო მთავარი თემები?

• ტრადიციული სისტემები: როგორ მუშაობს SWIFT/SEPA და რას ნიშნავს ბარათების ნეთვორქები (Visa, Mastercard, Amex).

• თანამედროვე გადაწყვეტები: გადახდის პროცესორები და ელექტრონული საფულეები (Google Pay, Apple Pay, PayPal).

• ინოვაციები: კრიპტო გადახდების პრინციპები და ერთჯერადი (disposable) ბარათების უსაფრთხოება.

ეს მხოლოდ დასაწყისია. პროგრამის ფარგლებში ცოდნის გაზიარებას სხვადასხვა მიმართულებით ვაგრძელებთ. უკვე ვისაუბრეთ სპორტსბუქის საფუძვლებზე და ჩავატარეთ კიბერუსაფრთხოების ტრენინგი აპგეიმინგის ლიდერებისთვის, თუმცა წინ კიდევ ბევრი საინტერესო შეხვედრა გველოდება. ჩვენი მიზანია, შევქმნათ გარემო, სადაც ცოდნის გაზიარება და ერთმანეთის განვითარებაზე ზრუნვა ყოველდღიური სამუშაო კულტურის ნაწილია.