საერთაშორისო გადახდები: გაუზიარე და გაიზიარე ცოდნა

აპგეიმინგში პროფესიული ზრდა ჩვენი ყოველდღიურობის ნაწილია. გვჯერა, რომ ყველაზე ღირებული ცოდნა სწორედ გუნდის შიგნით არსებობს, ამიტომ Upskill კამპანიის ფარგლებში ვატარებთ შეხვედრების სერიას: „გაუზიარე და გაიზიარე ცოდნა“.

ჩვენი მორიგი ტრენინგი საერთაშორისო გადახდის მეთოდებს დაეთმო. რადგან ტექნოლოგიურ სამყაროში ყველაფერი სწრაფად იცვლება, გადავწყვიტეთ, დეტალურად გაგვერჩია, როგორ მუშაობს ფინტეკ ინდუსტრია დღეს.

რა იყო მთავარი თემები?

• ტრადიციული სისტემები: როგორ მუშაობს SWIFT/SEPA და რას ნიშნავს ბარათების ნეთვორქები (Visa, Mastercard, Amex).

• თანამედროვე გადაწყვეტები: გადახდის პროცესორები და ელექტრონული საფულეები (Google Pay, Apple Pay, PayPal).

• ინოვაციები: კრიპტო გადახდების პრინციპები და ერთჯერადი (disposable) ბარათების უსაფრთხოება.

ეს მხოლოდ დასაწყისია. Upskill-ის ფარგლებში კიდევ ბევრ საინტერესო ტრენინგს ვგეგმავთ სხვადასხვა მიმართულებით. ჩვენი მიზანია, შევქმნათ გარემო, სადაც ერთმანეთის განვითარებაზე ზრუნვა საერთო საქმეა.