რევაზ კორძაია

Talent Growth პროგრამის ფარგლებში ჩვენ ვეძებთ ადამიანებს, რომლებსაც გამოწვევებთან შეჭიდების არ ეშიანიათ. რევაზ კორძაია სწორედ ასეთი აღმოჩნდა. Backend Developer-ი, რომლისთვისაც „შეუძლებელი“ დავალება მორიგი საინტერესო ამოცანაა.

– რეზი, როგორ მოხვდი Talent Growth პროგრამაში? იყო რამე კონკრეტული ნიშანი, რომ ეს შენი ადგილი იყო?

პროგრამის შესახებ მეგობრისგან შევიტყვე. სიმართლე გითხრათ, როგორც კი დეტალებს გავეცანი, ვიგრძენი, რომ მთელი ჩემი აქამდე გავლილი გზა სწორედ აქ მოსასვლელად მამზადებდა. თითქოს, როცა მიზანი და შესაძლებლობა ერთმანეთს დაემთხვა.

– პირველი დღე აპგეიმინგში: მოლოდინი vs რეალობა. რა დაგხვდა ისეთი, რასაც საერთოდ არ ელოდი?

ზოგადად, პოზიტიური მოლოდინები მქონდა, მაგრამ რეალობა წარმოუდგენელი აღმოჩნდა. საერთოდ არ ველოდი, რომ გარემო ასეთი დაუჯერებლად კარგი იქნებოდა.

– Backend-ში ხშირად ჩნდება ერთი შეხედვით გამოუვალი სიტუაციები. რა იყო ყველაზე რთული დავალება, რომელიც აქამდე შეგხვდა?

ყველაზე დიდ გამოწვევად Bot Detection-ის ინტეგრაცია იქცა. სირთულე იმაში მდგომარეობდა, რომ შედეგი მხოლოდ ჩემს კოდზე არ იყო დამოკიდებული, საჭირო იყო სხვა გუნდებთან მუდმივი სინქრონი და სწორი კომუნიკაცია. მხოლოდ დეტალური რისერჩის, ნებისყოფისა და გუნდური მუშაობის შედეგად შევძელით საუკეთესო გამოსავლის პოვნა.

– ვინ იყო შენი მენტორი და რა იყო მისი ყველაზე ღირებული რჩევა?

ჩემი მენტორი ნიკა (კოლა) პეტრიაშვილი იყო. მისგან მიღებული ყოველი რჩევა ღირებულია, რადგან ნიკა ყოველთვის პრაქტიკული და სისტემური კუთხით მიდგომას გვასწავლის.

– რა „სუპერძალა“ აღმოაჩინე საკუთარ თავში პროგრამის დაწყების შემდეგ?

აღმოვაჩინე, რომ ძალიან მიყვარს რთული, ერთი შეხედვით „შეუძლებელი“ ამოცანები. ის მომენტი, როცა სხვა ყველაფერი მეორე პლანზე გადადის და მხოლოდ პრობლემა რჩება ჩემ წინ. Bot Detection-ზე მუშაობისას ეს განსაკუთრებით გამოჩნდა, ბევრი ჩიხი იყო, მაგრამ დანებება არ მინდოდა. ჩემი სუპერძალა სწორედ „უკან არ დახევაა“. თუმცა, ისიც ვისწავლე, რომ ყოველთვის ყველაზე რთული გზა არ არის საუკეთესო – მთავარი ბალანსის პოვნაა.

– პროგრამა უკვე დაასრულე და გუნდის ნაწილი ხარ. რა არის შენი შემდეგი მიზანი?

ვგრძნობ, რომ უკვე სრულფასოვნად გავხდი გუნდის წევრი. დამოუკიდებლად მუშაობის უნარი შევიძინე და სისტემაც ზედმიწევნით შევისწავლე. ახლა სისტემური არქიტექტურის გაღრმავებას ვაგრძელებ. პარალელურად, ტრენინგებისა და პირადი კომუნიკაციების დახმარებით, Soft Skill-ების დახვეწაზეც ვმუშაობ.

– რა არის ისეთი რამ, რაც ძალიან კარგად გამოგდის, მაგრამ შენს CV-ში არასდროს ეწერება?

ბევრი ასეთი რამ არის, მაგრამ ალბათ ყველაზე მეტად წერა. კოდის გარდა, ტექსტებთან მუშაობაც კარგად გამომდის.

– და ბოლოს, რა იყო ბოლო რამ, რაც პირველად გააკეთე ცხოვრებაში?

სულ ცოტა ხნის წინ პირველად ვიცურე ნავით. საინტერესო გამოცდილება იყო!

ბლიც კითხვები: