ნანა კვირკველია

აპგეიმინგის Talent Growth პროგრამაში დამწყები ტალანტები გამოცდილი მენტორების დახმარებით რეალურ სამუშაო პროექტებში ერთვებიან. ნანა კვირკველიამაც ეს გზა წარმატებით გაიარა და დღეს უკვე აპგეიმინგის ლაინაფის სრულუფლებიანი წევრია

– ნანა, როგორ მოხვდი Talent Growth პროგრამაში? იყო რამე კონკრეტული მომენტი, როცა თქვი: „აი, აქ უნდა ვიყო“?

იმ პერიოდში, როცა Talent Growth-ის შესახებ გავიგე, უკვე აქტიურად ვმუშაობდი ჩემი სქილების განვითარებაზე. როგორც კი კომპანიას და პროგრამის პირობებს გავეცანი, მივხვდი, რომ მსგავსი შესაძლებლობის ხელიდან გაშვება უბრალოდ არ შეიძლებოდა. ინტუიციამ არ მიღალატა და მართალი აღმოვჩნდი!

– პირველი დღე აპგეიმინგში: მოლოდინი vs რეალობა. რა დაგხვდა ისეთი, რასაც საერთოდ არ ელოდი?

გულწრფელად რომ გითხრათ, სტრესულ და „ზე-ოფიციალურ“ გარემოს ველოდი, სადაც ყველა ზედმეტად სერიოზული სახით ივლიდა, მაგრამ რეალობა სხვანაირი აღმოჩნდა, ძალიან მეგობრული და კომფორტული ატმოსფერო დამხვდა, სადაც თავი მაშინვე შინაურად ვიგრძენი.

– SEO ხშირად დიდ მონაცემებთან ასოცირდება. რა იყო ყველაზე შრომატევადი დავალება, რომელიც აქამდე შეგხვდა?

ყველაზე მეტი დრო ბექლინკების ძიებას დავუთმე. ცოტა დეტექტიურ სამუშაოს ჰგავს: ჯერ კონკურენტების მოძიება, შემდეგ მათი ბექლინკების „ამოქექვა“, თითოეული საიტის ტრაფიკისა და კონტენტის ხარისხის შემოწმება... საბოლოო ბაზის გამართვას დიდი ენერგია დასჭირდა, მაგრამ შედეგი ამად ღირდა.

– მენტორთან ურთიერთობა პროგრამის უმნიშვნელოვანესი ნაწილია. ვინ იყო შენი მენტორი და რა იყო მისი ყველაზე ღირებული რჩევა?

ჩემი მენტორი ნიკო სამხარაძე იყო. მისი მთავარი რჩევა, რომელიც ყველაზე მეტად დამამახსოვრდა, არის: ცხოვრებაში ყველაფრისთვის უნდა გქონდეს „ბექაფი“. ეს არა მხოლოდ ტექნიკურ საკითხებში, არამედ ზოგადად, ნებისმიერ სიტუაციაში გეხმარება.

– რა „სუპერძალა“ აღმოაჩინე საკუთარ თავში პროგრამის დაწყების შემდეგ?

დროის მენეჯმენტი. როცა ბევრი საინტერესო დავალება გაქვს, სწავლობ, როგორ გადაანაწილო რესურსები ისე, რომ ყველაფერი მოასწრო.

– წარმოიდგინე, რომ Google-ის ალგორითმი ადამიანია. რას აჩუქებდი დაბადების დღეზე მისი გულის მოსაგებად?

ალბათ ყველაფერს, რაც გამაჩნია! SEO-ში ხომ ყველაფერი Google-ის „კეთილგანწყობაზეა“ დამოკიდებული.

– შენი სახელი და გვარი Keyword რომ იყოს, რა ინფორმაცია გინდა, რომ ამოვარდეს პირველ გვერდზე?

„ადამიანი, რომელსაც შეუძლია იდეების რეალურ შედეგებად გადაქცევა და არ ეშინია ახალი გამოწვევების“.

– და ბოლოს, რა იყო ბოლო რამ, რაც პირველად გააკეთე ცხოვრებაში?

სულ ახლახან მქონდა Talent Growth-ის გამოსაშვები ცერემონია. მანტია მეცვა და ტრადიციულად, ქუდიც ავაგდე ჰაერში.

ბლიც კითხვები