Idea Fest: აფგეიმინგის ახალი შიდა ინიციატივა ინოვაციური პროექტების მხარდასაჭერად

აფგეიმინგის კულტურის ფუნდამენტური ნაწილი გუნდის წევრების ინიციატივებისა და კრეატიული აზროვნების წახალისებაა. ამ ღირებულებების გარშემო შეიქმნა Idea Fest, შიდა პროექტი, რომელიც თანამშრომლებს საკუთარი ხედვებისა თუ ბიზნეს იდეების გაზიარების შესაძლებლობას აძლევს, მთავარი მიზანი კი ამ იდეების პრაქტიკაში განხორციელების მხარდაჭერაა.

კონკურსის ფარგლებში მონაწილეებს ერთი თვე ჰქონდათ, რათა საკუთარი ჩანაფიქრები სრულყოფილ კონცეფციებად ექციათ. პროცესი როგორც ინდივიდუალურ, ისე გუნდურ მუშაობას მოიცავდა და აფგეიმინგის დეპარტამენტების სხვადასხვა მიმართულების სპეციალისტებს საერთო იდეების გარშემო აერთიანებდა.

ამ გამოცდილებამ მონაწილეებს შესაძლებლობა მისცა, საკუთარ იდეებზე პრაქტიკულად ემუშავათ, გაეზიარებინათ ცოდნა და ამავდროულად შეექმნათ სივრცე პროფესიული განვითარებისთვის.

საწყის ეტაპზე კომპანიის მასშტაბით 50-ზე მეტი საინტერესო განაცხადი დარეგისტრირდა. დეტალური შეფასების შემდეგ, ჟიურის წინაშე პრეზენტაციით წარსადგენად რჩეული პროექტები შეირჩა, სადაც ავტორებმა საკუთარი ინიციატივების პოტენციალი და სტრატეგიული მნიშვნელობა დაიცვეს.

Idea Fest-ის მთავარი ღირებულება მხოლოდ გამარჯვებულების გამოვლენა არ არის. 3 საუკეთესო პროექტის ავტორი, ფინანსურ ჯილდოსთან ერთად, მიიღებს კომპანიის მხარდაჭერას, რათა ეს ინიციატივები Upgaming-ის ყოველდღიურ პროცესებსა თუ პროდუქტებში ინტეგრირდეს.

Idea Fest-ის პირველი სეზონი გუნდის მაღალი ჩართულობითა და პროდუქტიული შედეგებით დასრულდა. შერჩეული პროექტების განხორციელების პარალელურად, უკვე პროექტის მომდევნო ეტაპისთვის ვემზადებით.