ციფრული ხელოვნება ბევრისთვის მხოლოდ ჰობია, მაგრამ ანდრია ჩიქოვანისთვის ეს ბავშვობის ინტერესი იყო და პროფესიული გზაც მას დაუკავშირა. Talent Growth პროგრამის ფარგლებში, ანდრიამ შეძლო აკადემიური ცოდნა რეალურ გამოწვევებში გამოეცადა.
ავტორი: საბა მაისურაძე | May 22, 2026 | Talent Spotlight
ციფრული ხელოვნება ბევრისთვის მხოლოდ ჰობია, მაგრამ ანდრია ჩიქოვანისთვის ეს ბავშვობის ინტერესი იყო და პროფესიული გზაც მას დაუკავშირა. Talent Growth პროგრამის ფარგლებში, ანდრიამ შეძლო აკადემიური ცოდნა რეალურ გამოწვევებში გამოეცადა.
– ანდრია, როგორ მოხვდი Talent Growth პროგრამაში? რატომ მაინცდამაინც Digital Art?
ციფრული ხელოვნება ბავშვობიდან მაინტერესებდა. საქართველოში ეს პროფესია საკმაოდ იშვიათია, ამიტომ როგორც კი ამ პროგრამის შესახებ გავიგე, გადაწყვეტილება წამებში მივიღე. მივხვდი, რომ ეს იყო შანსი, ჩემი ინტერესი პროფესიად მექცია.
– პირველი დღე აპგეიმინგში: მოლოდინი vs რეალობა. რა იყო ის მთავარი „Shocking“ დეტალი, რაც დაგხვდა?
სამუშაო გარემო! ნამდვილად იშვიათია საქართველოში ისეთი მასშტაბის და ატმოსფეროს მქონე კომპანია, როგორიც აპგეიმინგია. ასევე, ძალიან გამიკვირდა და გამიხარდა მენტორებისა და თანამშრომლების მხრიდან ასეთი დიდი მხარდაჭერა.
– 2D არტისტისთვის ხშირად რთულია სხვისი იდეის ვიზუალიზაცია. რა იყო შენი ყველაზე რთული დავალება?
განვითარება
კარიერული წინსვლა პირველ რიგში, ადამიანებთან საერთო ენის პოვნის ხელოვნებაა. სწორედ ამ უნარის გასავითარებლად ჩვენმა L&D მენეჯერმა სტაჟიორებისთვის სპეციალური ვორქშოფი, „კომუნიკაციის ხელოვნება“ ჩაატარა, რომელიც ინფორმაციის გაცვლაზე ბევრად მეტს, ურთიერთობების ფსიქოლოგიას შეეხო.
ავტორი: საბა მაისურაძე | May 21, 2026
ლაინაფი
გულახდილად ვთქვათ, როცა საქმე ბევრია და ტემპი - სწრაფი, ხშირად გვავიწყდება იმ ადამიანების დაფასება, რომლებიც რთულ პროცესებს გვიმსუბუქებენ. ზუსტად ამიტომ ოფისში ახალი ინიციატივა, Shine Awards დავნერგეთ - უკვე გვაქვს მიზეზი, რომ მცირე ხნით შევჩერდეთ და მადლობა გადავუხადოთ მათ, ვინც აპგეიმინგს უბრალო სამსახურზე მეტად აქცევს.
რთული იყო კონკრეტული განმარტების მიხედვით პერსონაჟისა და თამაშის დახატვა. სიმართლე გითხრათ, თავიდან არ მეგონა, რომ რამე საინტერესო გამოვიდოდა, თუმცა ბევრი ძიებისა და სტილების მორგების შემდეგ, მივაღწიე იმ შედეგს, რამაც თავადაც მომცა მოტივაცია. კვირის ბოლოს ჩემი ნამუშევრით მართლა ვამაყობდი.
– ვინ იყო შენი მენტორი და რა არის ის „ოქროს წესი“, რაც მისგან ისწავლე?
ჩემი მენტორი სუხა ზვიადაური იყო. სუხა ყოველთვის ამახვილებდა ყურადღებას პროგრესის მნიშვნელობაზე და იმაზე, რომ არასდროს უნდა დავივიწყოთ ხატვის ზოგადი, ფუნდამენტური პრინციპები.
– რა სუპერძალა აღმოაჩინე საკუთარ თავში პროგრამის დაწყების შემდეგ?
აღმოვაჩინე, რომ კრეატიული საქმის კეთება უდიდეს სიამოვნებას მანიჭებს. სწორედ ეს სასიამოვნო პროცესი მეხმარება, რომ დისციპლინისა და მოტივაციის დახმარებით პროფესიულად ბევრად უფრო მარტივად განვვითარდე.
– შენ მიერ შექმნილ რომელ პერსონაჟთან ერთად წახვიდოდი ლუდის დასალევად და რაზე ილაპარაკებდით?
ჩემს ერთ-ერთ პერსონაჟთან, „განგსტერ ბებოსთან“ ერთად წავიდოდი დიდი სიამოვნებით, მაგრამ სამწუხაროდ, ლუდს არ სვამს – წნევები აწუხებს, ასე რომ, ალბათ ჩაიზე მოგვიწევდა საუბარი მის თავგადასავლებზე. 😄
– სამყაროდან ერთი ფერის წაშლა რომ შეგეძლოს, რომელს გააქრობდი?
ბევრი ვიფიქრე და ვერცერთ ფერს ვერ ვიმეტებ გასაქრობად. მგონია, რომ ყველაზე უშნო ფერსაც კი თავისი უნიკალური როლი აქვს ბუნებაში და კომპოზიციაში.
– რა არის ისეთი რამ, რაც ძალიან კარგად გამოგდის, მაგრამ შენს CV-ში არასდროს ეწერება?
გიტარაზე დაკვრა და ზოგადად მუსიკის ცოდნა.
– და ბოლოს, რა იყო ბოლო რამ, რაც პირველად გააკეთე ცხოვრებაში?
პირველად გამიჩნდა სერიოზული ინტერესი ხელოვნური ინტელექტის მიმართ. დავიწყე მისი შესწავლა და იმის გააზრება, თუ რა გავლენა ექნება მას ხელოვნებასა და მომავალ სამყაროზე.
ავტორი: საბა მაისურაძე | June 4, 2026
