შემოუერთდი

ჰელოუინი ჩვენი ერთ-ერთი ყველაზე დასამახსოვრებელი ტრადიციაა, სადაც ყოველ წელს გუნდი საოცარ კრეატიულობას იჩენს. ამ დღეს ოფისი მისტიკურ სივრცედ იქცევა და საუკეთესო კოსტუმების ავტორები განსაკუთრებული პრიზებით ჯილდოვდებიან.

სპორტული აზარტი ჩვენი ყოველდღიურობის ნაწილია, ამიტომ წელიწადში რამდენჯერმე ერთმანეთს პადელის კორტზე ვეჯიბრებით. ჯანსაღი კონკურენცია ენერგიის სამუშაო გარემოს მიღმა შენარჩუნებაში გვეხმარება.

ზამთრის შემდეგ ახალი ენერგიით ვიმუხტებით და გაზაფხულს პოზიტიური განწყობით ვხვდებით. ამ დღეს ოფისი სეზონური არომატებით ივსება და გუნდური აქტივობებით ახალ საწყისებს აღვნიშნავთ.

ამ დღეს ჩვენს ყველაზე პატარა სტუმრებს ვუთმობთ. ოფისს გარეთ, სპეციალურად შერჩეულ სივრცეში ჩვენი შვილებისთვის დღესასწაულს ვაწყობთ, სადაც ფერადი დეკორაციებითა და მხიარულებით სავსე გარემო მათ დაუვიწყარ მოგონებებს უქმნის.

ეს ჩვენი გამორჩეული წევრების აღიარების დღეა. ერთად აღვნიშნავთ თითოეული კოლეგის წარმატებას და მადლობას ვუხდით მათ იმ განსაკუთრებული წვლილისთვის, რაც ჩვენს საერთო საქმეში შეაქვთ.

ზაფხულის შემდეგ აქტიურ რიტმს გუნდური შეჯიბრებებით ვუბრუნდებით. ვერთობით მსუბუქი თამაშებით, რომლებიც ჩვენს კონცენტრაციასა და საერთო განწყობას მყისიერად აუმჯობესებს.

ოქტომბერი ლუდის ფესტივალის გარეშე წარმოუდგენელია. ოფისში ნამდვილ გერმანულ განწყობას ვქმნით, ვაგემოვნებთ სხვადასხვა სახეობის ლუდს და სამუშაო კვირას არაფორმალურ, მხიარულ გარემოში ვასრულებთ.

ამ დღეს დროში ვმოგზაურობთ და 90-იანების ესთეტიკას ვაცოცხლებთ. ვიცვამთ რეტრო კოსტიუმებს, ვუსმენთ ნოსტალგიურ ჰიტებს და იმ გემოებს ვიხსენებთ, რომლებიც ჩვენს ბავშვობასა თუ ახალგაზრდობას ახლავს.

ჩვენს კულტურასა და ფესვებს თანამედროვე გარემოში ვზეიმობთ. ტრადიციული კერძებით, მუსიკითა და ეროვნული დეტალებით ოფისში ქართულ დღესასწაულს ვაწყობთ.

ჩვენს ეზოს ფერად და გემრიელ "სთრით ფუდ" მარკეტად ვაქცევთ. ღია ცის ქვეშ ვიკრიბებით, სხვადასხვა კულტურის ქუჩის საკვებს ვაგემოვნებთ და ვსარგებლობთ შემთხვევით, რომ მზიანი დღე გუნდთან ერთად, გემრიელად გავატაროთ.

წლის ყველაზე ჯადოსნურ დღესასწაულს მთელი გუნდი ერთად ვზეიმობთ. ვაჯამებთ გასულ წელს, ვცვლით საჩუქრებს და ვმონაწილეობთ პრიზების გათამაშებაში. დიდი წვეულებით ახალ შესაძლებლობებს ვხვდებით, რომელსაც მომავალი წელი გვიმზადებს.

საზაფხულო განწყობისთვის ეზოში გადმოვინაცვლებთ. გრილზე მომზადებული კერძებითა და მუსიკით BBQ ფესტივალს ვაწყობთ, სადაც გუნდური თამაშებით კიდევ უფრო ვახლოვდებით.

ამ დღეს მსოფლიოს გარშემო ოფისიდან გაუსვლელად ვმოგზაურობთ. ყოველ წელს ახალ ქვეყანას ვირჩევთ და ჩვენს მრავალფეროვან გუნდთან ერთად უცხო კულტურას, სამზარეულოსა და ტრადიციებს ვიკვლევთ.

ზაფხულის სიცხეს ტკბილი შესვენებით ვაგრილებთ. ნაყინის სადგურებთან ჩვენს საყვარელ დესერტებს თავად ვქმნით და სამუშაო დღეს ვიხალისებთ.

ჩვენს გუნდურ სულს ინტელექტუალურ ორთაბრძოლებში ვცდით, როცა ბატონი წამყვანის თანხლებით, ერთმანეთს \"რა? სად? როდის?\" თამაშში ვეჯიბრებით.

ამ კვირას საკუთარ თავს ვუთმობთ და ბალანსის პოვნას ვცდილობთ. ერთად ვვარჯიშობთ იოგას, ვაგემოვნებთ ჯანსაღ საკვებს და ვუზიარებთ ერთმანეთს რჩევებს მენტალური კეთილდღეობისთვის.